Dry Fruits Benefits In Urdu Dry Fruit Ke Faide Khushk Mewa Jaat Se ilaj: Khushk Mewa Jaat Mein Chupa Mozi Amraz Ka Ilaj
Mosam e sarma ka aghaz ho chuka hai Pakistan
mein November se le kar March ke wast taq sardi ka mosam rehta hai yeh hum par Allah ka bara karam aur
ahsaan hai ke es ney besh baha naematain hamaray liye peda farmaen aur es ney
har mausam ke liye allag allag sabzian aur phal ugaye taakay hum un ke zaiqon
se lutaf andoz ho sakain aur un ke andar chupay be shumar fawaid hasil kar
sakain.
Sardiyon ki amad ke sath hi khushk mewa jaat ki
bahar aa jati hai yeh meway mukhtalif qisam ki mithi dishes mein bhi istemal
hotay hain khushk mewon mein chiknai aur hararay wafar miqdar mein paye jatay
hain es liye agar unhein aitdal se istemal kiya jaye to be had faida dete hain.
Deen o tib ka choli daman ka sath hai hamaray
khaliq o malik ney hamari afiat ka kis qadar khayal rakha hai ke mosam e sarma
mein khushk mewa jaat ki sorat mein hamein tarhan tarhan ki ghizaiyat bhari
soghat se nawaza hai jin ke zariye hum mukhtalif bimarion se nijat hasil kar
saktay hain kyun kay unhein mewa jaat mein chupa hai hamaray bohat se amraz ka
ilaj.
Moong phali - Sardiyon mein peanut phali ka istemal insani
jism mein nitrogen aur lahmiat ki kami ko pora karti hai aur yeh woh khorak hai
jo aik Ameer admi se le kar jhonpari mein rehne wala ensaan bhi istemal karta
hai aur behtaren lahmiat ka khazana hai aam tor par logon mein yeh shikayat
hoti hai ke moong phali khanay se balgham ho jata hai achi bhoni hui moong
phali balgham pida nhi karti es ke sath gur ka istemal zaror karen.
Akhrot - Hamaray haan riwayati tor par akhrot ke tail
se pait mein dard ( maror ) baasor dast aur antariyon ki sakhti ko naram karne jaisi bimarion ka
ilaaj kiya jata hai, taham hum aap ko yahan akhrot ke degar ahem fawaid ke bare
mein agahi den ge.
Walnut mein shamil omega fatty acid Nami
chiknai dimaghi amal ko behtar bana kar depration ka muqabla karne ki salahiyat
mein izafah kar deti hai yahi nahi balkay akhrot qabz ki sorat mein fori aram
pohanchanay ka bohat bara zareya hai yeh maiday mein poanch kar fuzla mein
harkat peda kar kay usay agay ki taraf dhkil deta hai.
Akhrot mein shamil acid ghair zaruri aur ganday
cholesterol ki satah ko kum karne mein nihayat Muawin hai jis ke bad sahet mand
cholesterol peda hota hai jo qowat qalb ke liye nihayat mufeed samjha jata hai rozana
sirf aik akhrot ka istemal jism ko high blood pressure ka muqabla karne ki
taqat bhi faraham karta hai akhrot mein shamil zank, mignishim jaisay ajza
insani jism ke liye nihayat zurori hain es liye haamla khawaten ke liye un ka
istemal nihayat naffa bakhash hai khansi aur asthma ke ilaaj ke douran akhrot
ka istemal nihayat mo-asar hai akhrot mein shamil ajza hadion ki mazboti aur
nashonuma ke liye nihayat zurori hain akhrot mein melatonin ( aik qisam ka
Zimad ) Nami acid mojod hota hai, jo jism ke androni nizam ke bohat se hisson
ko chalanay ka zimma daar hai lehaza jab jism mein melatonin ki miqdar pori
hoti hai to aap rat bhar pursukon neend le satke hain.
Anjeer - Anjeer ke istemal se aanten saf rehti hain khoon
ka dabao normal rehta hai usay khanay se khoon ki kami ki shikayat dor ho jati
hai yeh mewa saans ke marz ke liye bhi bohat mufeed hai. Aur ye figs pehphron ke
marz ki bhi kayi shikayat dor hoti hain yeh joron ke dard ke liye bhi bohat
mufeed hai jab kay jild ke amraaz mein bhi es ka baqaida istemaal intahi faida
mand hai dar haqeeqat es meway mein qudrat ney hayateen, phosphorus, calcium
aur folaad ko yakja kar diya hai yeh tamam ajzaa sahet bakhash honay ki wajah se
taaqat mein izafah karte hain agar aap ke galay mein kharaash aur khansi hai to
figs ko khoob chaba kar khayen.
Badam - Qawaay badni o dimaghi ka Muhafiz hai badan ko
mota karta hai aankhon ko qowat deta aur qowat baah ko ziyada karta hai.
Pista - Pista taseer garam khushk dil dimagh maida
zehan, haafza aur badan ko mota karta aur jigar ka saddah kholta hai.
Chilghoza - Pine nuts gurda masana aur qowat baah ke liye
mufeed hai pathon ko taaqat deta hai aur saddah kholta hai.
Allah pak ki qudrat dekhieye ke yeh tamam
meway sardiyon mein waafar miqdaar mein paye jatay hain jo insani jism ke andar
nitrogen ke tawazun ko barqarar rakhtay hain sardi ki wajah se nizam inhizam ke
sath dosray nizamon mein bhi taizi aa jati hai kyun kay jism ka darja hararat
qaim rakhnay ke liye khushk mewa jaat bohat ahem kirdaar ada karte hain.
No comments:
Post a Comment